İngiltərədə yerləşən “Moys-Holl” muzeyində insan dərisindən hazırlanmış kitab tapılıb.
PresedentTv.com xəbər verir ki, tədqiqat nəticəsində bu dərinin Viktoriya dövrünün ən məşhur qatillərindən biri olan Uilyam Korderə məxsus olduğu aydınlaşıb.

Onun törətdiyi amansız cinayət barədə çoxlu sayda musiqi, ədəbiyyat və film nümunələri yaradılıb.

Korder 1827-ci ildə sevgilisi Mariya Marteni evlənmək adı ilə aldadaraq qaçırıb.

Daha sonra isə sevgilisini “Qırmızı anbar” adlandırılan əraziyə aparıb və başından güllə vuraraq öldürüb.

Sevgilisini öldürdükdən sonra Korder qızın ailəsinə hər şeyin yaxşı olduğu və əri ilə xoşbəxt yaşadığı barədə məktublar göndərib.

Marianın anası isə yazılan məktublara inanmayıb və yuxularında “Qırmızı anbar”da bir qız meyidi basdırıldığını görüb.

Həqiqəti üzə çıxarmaq üçün araşdırma aparan Marianın atası nəhayət qızın meyidini tapıb.

Marianın boynunda Korderə məxsus yaşıl şərf olub.

Bu şərf cinayətin açılmasında mühüm rol oynayıb.

Həbs olunan Korder cinayəti etiraf etməməsinə baxmayaraq 11 avqust 1828-ci ildə ictimaiyyət qarşısında asılaraq edam olunub.

Tarixi qeydlərə görə, edamı izləmək üçün 20 min insan vir ayara gəlib.

Korderin hekayəsi bununla da bitməyib.

Belə ki, bu dəhşətli cinayətdən bəhs edən kitabın üz qabığının cildlənməsi üçün Korderin dərisindən istifadə olunub.

Bu dəhşətli artefakt 1933-cü ildən Suffolk qraflığındakı “Moys-Holl” muzeyində saxlanılırdı.

Lakin muzeydə aparılan son tədqiqatlar “Korder işi” ilə bağlı daha bir kitabın tapılması ilə nəticələnib.

Birinci kitabdan fərqli olaraq, ikinci kitabın yalnız arxa qapağı və künclərində Korderin dərisindən istifadə edilib.