PresedentTv.com xəbər verir ki, alimlər Araşdırma: Zamanla IQ Səviyyələri Azalır
İnsanlar keçmişdə daha ağıllı idilər? Bu sualın cavabı bəli. Amma bu, keçmişdə yaşayan insanların yüksək intellektli olması ilə bağlı deyil. Çünki illər keçdikcə texnologiyanın təsiri ilə insanların IQ səviyyəsi azalmağa başladı. Norveç alimlərinin araşdırması nə deyir? Gəlin birlikdə baxaq.
Sputnik-in MedicalXpress portalına istinadən verdiyi xəbərə görə, Norveç alimləri insanların intellektual qabiliyyətlərinin aşağı düşməyə başladığını müəyyən ediblər.
İstifadə olunmuş tədqiqat materialı 1970-2009-cu illər ərzində hərbi xidmətə çağırılmış Norveçli çağırışçıların İQ testinin nəticələridir.
Araşdırmaya görə, 20-ci əsrin əvvəlindən 1975-ci ilə qədər hər bir nəslin əvvəlki nəsildən daha intellektli olduğu müəyyən edilib.
Eniş 1975-ci ildən sonra başladı. Həmin ilə qədər nəsillər arasında 3 bal artan İQ, nəsillər arasında 7 bal azalmağa başladı.
Alimlər bu azalmanın bir çox səbəblərini sadalayıblar.
Ən böyük amil riyaziyyat və dil təhsilində yeni metodlar olduğu müəyyən edilib. Digər amil texnologiyanın inkişafıdır. İnsanların kitab oxumaq əvəzinə televizora baxmasının, həddindən artıq kompüter oyunları oynamasının və sosial media vasitələrindən istifadə etməsinin mənfi təsirləri olduğu bildirilib.
Digər tərəfdən həftədə ən az bir dəfə balıq yeyənlərin İQ səviyyəsinin nadir hallarda yeyənlərə nisbətən orta hesabla 5 bal daha yüksək olduğu görüldü.
20-ci əsrin birinci yarısında müşahidə olunan IQ artımı Flynn effekti adlanırdı.
Bu fenomeni izah etmək üçün bir çox tezislər irəli sürüldü. Nəzəri cəhətdən qidalanma, sağlamlıq və təhsilin yaxşılaşdırılması insanların “daha ağıllı olmasına” təsir edən amillər arasında göstərilib.

Muxbir: Günay Abilova