Azərbaycan Dövlət Pedaqoji Universiteti (ADPU) qəbul imtahanlarında yüksək nəticə göstərən gənclərin seçim zamanı üstünlük verdiyi təhsil ocağına çevrilməkdə davam edir. Bunun bariz nümunələrindən biri də fərqli illərdə qəbul imtahanlarında yüksək nəticə göstərərək eyni ixtisası seçən Nəcəfzadə bacılarının uğur hekayəsidir.

Presedenttv.com xəbər verir ki, ADPU-dan AZƏRTAC-a bildirilib ki, Fatimə Nəcəfzadə 2024-cü ildə keçirilmiş imtahanlarda 663,9 bal toplayaraq ADPU-nun riyaziyyat və informatika müəllimliyi ixtisasına qəbul olub. İki il sonra onun bacısı Zəhra Nəcəfzadə də böyük uğura imza ataraq 607 bal nəticə göstərib və bacısı kimi ADPU-nun riyaziyyat müəllimliyi (tədris ingilis dilində) ixtisasını seçib.

Hər iki bacının ali təhsil seçimində ortaq məkan kimi ADPU-nu üstün tutması ali təhsil müəssisəsində pedaqoji kadr hazırlığına olan yüksək inamın və yüksək nəticə göstərən abituriyentlərin pedaqoji təhsilə üstünlük verməsinin göstəricisidir.

Bacılar gələcəkdə peşəkar pedaqoq kimi fəaliyyət göstərərək Azərbaycan təhsilinin inkişafına töhfə vermək arzusundadırlar.