Qazaxıstanda “Atırau” Xüsusi İqtisadi Zonası yaradılıb
“Atırau” Xüsusi İqtisadi Zonası 2036-cı il dekabrın 31-nə qədər yaradılıb. Zona Atırau bölgəsində, şəhərin inzibati sərhədləri daxilində, Atırau-Dossor avtomobil yolu boyunca, eləcə də Jılıoy rayonu ərazisində yerləşir.
XİZ Qazaxıstan ərazisinin bir hissəsidir və sərbəst gömrük zonasına aid xüsusi hüquqi rejim və gömrük proseduru şəraitində fəaliyyət göstərəcək. Obyektin ərazisi gömrük nəzarəti zonasına aiddir və səlahiyyətli orqanın tələblərinə uyğun olaraq hasar və videomüşahidə sistemi ilə təchiz olunmalıdır.
Zonada xarici vətəndaşların və onların nəqliyyat vasitələrinin girişi, çıxışı, tranziti və qalması üçün qanunvericiliklə müəyyən edilmiş qayda mövcuddur.
