Qış aylarının sevilən meyvələrindən olan portağal həm dadı, həm də sağlamlığa faydaları ilə tanınır. C vitamini ilə zəngin olan bu meyvə immun sistemini gücləndirir, soyuqdəymə və qripə qarşı qoruyucu təsir göstərir. Eyni zamanda dəriyə parlaqlıq verir, qan dövranını yaxşılaşdırır, stressi azaldır və mədə-bağırsaq sisteminin fəaliyyətini tənzimləyir.

Mütəxəssislər bildirir ki, gün ərzində bir portağal yemək orqanizmin gündəlik C vitamini ehtiyacını ödəyir. Portağal təkcə meyvə kimi deyil, şirə, salat və desertlərdə də geniş istifadə olunur.

Portağal eyni zamanda Azərbaycanın bir sıra bölgələrində, xüsusilə də Lənkəran və Astara rayonlarında becərilir. Yerli istehsal ixrac potensialına malik olmaqla yanaşı, daxili bazarın da əsas meyvə tələbatını qarşılayır.

 Qeyd edək ki, portağal antioksidantlarla zəngin olduğu üçün xərçəngə qarşı da qoruyucu təsirə malikdir.

Müxbir: İlham Əmirov