Heç kim ABŞ-ın yeni seçilmiş prezidenti Donald Trampdan Ukrayna-Rusiya münaqişəsini dərhal həll edəcəyini gözləmir. Bunu nə Ukrayna, nə ABŞ gözləyir. Trampın xarici siyasətində Rusiya-Ukrayna münaqişəsinin həllinin bir nömrəli məsələ olduğunu isə söyləmək mümkündür. Bu həqiqətən belədir. Tramp bunu müsahibələrində ictimaiyyətə dəfələrlə söyləyib. Düşünürəm ki, bu məsələ Trampın ritorikasında davam edəcək.
Bu sözləri Presedenttv.com -a açıqlamasında ukraynalı politoloq, siyasi elmlər namizədi Oleksiy Buryaçenko söyləyib: “Trampın andiçmə mərasiminə qədər müharibənin aktiv fazasının başa çatacağını gözləmək sadəlövhlük olardı. Münaqişənin həllinə dair radikal və ya konstruktiv bəyanatlarına baxmayaraq, o və onun komandası andiçmə mərasiminə qədər münaqişənin bitməsi konsepsiyasını reallaşdıra bilməzdi. Biz Trampın bəyanatlarının nə dərəcədə real olacağını onun prezidentlik səlahiyyətlərinə başlamasından sonra şahidi ola bilərik. Proseslərin sinxronlaşdırılması üçün zaman lazım olacaq”.
O.Buryaçenko hesab edir ki, Tramp münaqişənin həllinə çalışır və istəyir. “Ancaq istər sülh müqaviləsi olsun, istərsə münaqişənin aktiv fazasının bitməsi olsun, danışıqlarda hücuma məruz qalan Ukraynanın maraqları nəzərə alınmasa, düşünmürəm ki, hətta müharibənin aktiv fazasının bitməsinə dair dialoqun baza hissəsi baş tutsun”,- deyə ukraynalı politoloq vurğulayıb.