PresedentTv.com xəbər verir ki, Nəqliyyat sıxlığının qarşısını almaq və Abşeron yarımadasının bütün yaşayış məntəqələrindən rahat nəqliyyat və əlaqələndirmə imkanı olan ərazidə təhsil müəssisəsini yaratmaq məqsədilə Yaşıl Universitet Şəhərciyinin yaradılması nəzərdə tutulub.

🔹 Yeni universitet şəhərciyində özəl və dövlət ali təhsil müəssisələri ilə yanaşı, tələbə yataqxanaları, xarici tədqiqatçılar üçün qonaq evləri, professorlar və müəllimlər üçün qonaqlama və yaşayış yerləri olacaq.

🔹 Baş Planda Xocasən bilik mərkəzinin yaradılması da nəzərdə tutulur.

🔹Mərdəkanda da birlik mərkəzinin yaradılması planı var.

📌 Hazırkı ölkə universitetlərinin 95-98 faizinin kampusu yoxdur. Yalnız ADA Universiteti və Bakı Ali Neft Məktəbinin kiçik kampusları yaradılıb. Bir çoxunun qapıları birbaşa küçələrə çıxır və buna görə də tələbələrin asudə vaxtının rasional təşkili mümkün olmur.

🗣️ Təhsil eksperti Nadir İsrafilov deyir ki, xarici ölkələrdə universitetlərin böyük əksəriyyəti kampuslara malik olmaq üçün şəhərdən kənar ərazilərdə yerləşir.

🗣️Təhsil eksperti Elçin Əfəndinin sözlərinə görə, tələbə kontingenti 20 mindən çox olan təhsil müəssisələrini şəhərdən kənara köçürmək lazımdır.