Papa Leo İraqdakı yanğında həlak olanlara görə başsağlığı verib
Müqəddəs Taxt-Tacın Dövlət katibi kardinal Pietro Parolin tərəfindən imzalanan teleqramda Roma Papası yanğında zərər çəkənlərlə mənəvi həmrəyliyini ifadə edib və faciədə həlak olanlar üçün dua etdiyini bildirib.
Papa Leo faciə qurbanlarına mənəvi həmrəyliyini ifadə edərək xüsusilə yaralananlara və yaxınlarını itirən ailələrə yaxınlığını ifadə edib.
Xatırladaq ki, ötən gün İraqın şərqindəki Vasit vilayətində yerləşən Kut şəhərindəki yeni açılmış ticarət mərkəzində baş verən yanğında azı 69 nəfər həlak olub. Daha 11 nəfər itkin düşmüş hesab olunur.
