ABŞ-nin "Nvidia" texnologiya şirkətininn ən böyük müştərilərindən bəzilərinə süni intellekt çiplərinin olduğu server sistemlərində qiymətlərin 15 %-dən çox artımı barədə xəbərdarlıq edilib.

"Presedenttv.com "Bloomberg"ə istinadən verdiyi məlumata görə, "Microsoft", "Google" və "Oracle" da daxil olmaqla, əsas məlumat mərkəzi operatorları ilə müqavilələr çərçivəsində işləyən server istehsalçıları müştərilərə qarşıdan gələn qiymət artımları barədə məlumatlandırıblar.

Dəyişikliyin 2027-ci ilin əvvəlində çatdırılması planlaşdırılan server sistemlərinə təsir edəcəyi gözlənilir. "Nvidi"a hələlik məlumatla bağlı şərh verməyib.

"Bloomberg"in məlumatına görə, "Nvidia"nın süni intellekt sürətləndiricilərinin performansı əsasən onlarla istifadə edilən dinamik təsadüfi giriş yaddaşının (DRAM) miqdarından asılıdır.

Qeyd edək ki, dünyanın aparıcı yaddaş çipi istehsalçıları Cənubi Koreyanın "SK Hynix" və "Samsung", eləcə də Amerikanın "Micron Technology" şirkətidir. İstehsal həcmlərinin artmasına baxmayaraq, şirkətlər hələ də artan tələbatı ödəyə bilmirlər ki, bu da yaddaş çiplərinin qiymətlərinin artmasına və istehsalçılarının qlobal texnologiya bazarındakı mövqeyinin möhkəmlənməsinə səbəb olub.