Presedenttv.com milli.az-a istinadən xəbər verir ki, Azərbaycanda alıcılara elektron ticarət qaydasında iş və xidmətlər təqdim edən qeyri-rezidentlər təqvim ili ərzində dövriyyələri 10 000 ABŞ dollarının manat ekvivalentini keçdikdə 30 gün ərzində elektron qaydada vergi uçotuna alınmalı olacaqlar.

Bununla bağlı dəyişikliklərin əks olunduğu, fevralın 13-də qəbul edilən müvafiq qanun bu gündən qüvvəyə minib.

Qanuna əsasən, vergi orqanlarında uçotda olmayan şəxslərə elektron ticarət qaydasında işlərin və xidmətlərin təqdim edilməsindən gəlir əldə edən internet informasiya ehtiyatı vasitəsilə elektron ticarəti həyata keçirən qeyri-rezidentlər (Vergi Məcəlləsində nəzərdə tutulan Azərbaycanda qeyri-rezident hüquqi şəxsin və ya qeyri-rezident fiziki şəxsin daimi nümayəndəlikləri istisna olmaqla) alıcısı Azərbaycanda olan iş və xidmətlərin təqdim edilməsindən dövriyyəsi təqvim ili ərzində 10 000 ABŞ dollarının manat ekvivalentini keçdikdən sonra 30 gün müddətində elektron qaydada vergi uçotuna alınmalıdırlar. Burada qeyd olunan dövriyyəsi 10 000 ABŞ dollarının manat ekvivalentindən aşağı olan qeyri-rezidentin elektron qaydada vergi uçotuna alınması könüllü olaraq həyata keçiriləcək.

Məsləhət, hüquq, maliyyə, mühasibat, dizayn və mühəndis xidmətlərinin elektron poçt və digər interaktiv ünsiyyət vasitələri ilə göstərilməsi, internet vasitəsilə real vaxt rejimində göstərilən tədris və təlim xidmətləri, habelə elm, təhsil, mədəniyyət, idman və əyləncə tədbirləri üçün biletlərin onlayn sifariş edilməsi xidmətləri bu maddənin məqsədləri üçün elektron ticarət qaydasında təqdim edilən xidmətlərə aid edilməyəcək.

Vergi orqanlarında uçotda olmayan şəxslərə elektron ticarət qaydasında işlərin və xidmətlərin təqdim edilməsindən gəlir əldə edən internet informasiya ehtiyatı vasitəsilə elektron ticarəti həyata keçirən qeyri-rezidentin (Vergi Məcəlləsində nəzərdə tutulan Azərbaycanda qeyri-rezident hüquqi şəxsin və ya qeyri-rezident fiziki şəxsin daimi nümayəndəlikləri istisna olmaqla) elektron qaydada vergi uçotuna alınması, yenidən uçota alınması və uçotdan çıxarılması, ƏDV-nin ödəyicisi kimi qeydiyyata alınması, ƏDV bəyannaməsinin təqdim edilməsi və ƏDV-nin ödənilməsi qaydası müvafiq icra hakimiyyəti orqanının müəyyən etdiyi orqan (qurum) tərəfindən müəyyən ediləcək.

Vergi ödəyicisi yuxarıdakı üç abzasda nəzərdə tutulan qaydada uçota alınan qeyri-rezident şəxslərə münasibətdə ƏDV-ni hər hesabat dövrü üçün hesabat dövründən sonrakı ayın sonuncu günündən gec olmayaraq büdcəyə ödəməyə borclu olacaq.

Rusiyadan Ermənistana Azərbaycandan tranzit keçməklə növbəti tədarük həyata keçiriləcək.

Presedenttv.com Milli.az-a istinadən xəbər verir ki, 9 vaqondan ibarət, çəkisi 630 ton olan buğda və 1 vaqondan ibarət, çəkisi 36 ton olan propan 22 avqust tarixində Biləcəri stansiyasından Böyük Kəsik istiqamətinə göndəriləcək.

Qeyd edək ki, indiyədək Rusiyadan Ermənistana Azərbaycandan tranzit keçməklə 49 min tondan çox taxıl, 9 min tona yaxın gübrə, 1136 ton propan, 133 ton alüminium , 1114 ton kömür və 67 ton taxta göndərilib.

Eyni zamanda, indiyədək Azərbaycandan Ermənistana 15 min tona yaxın dizel, 5 min tona yaxın Aİ-92 və Aİ-95 benzini ixrac olunub.

Rumıniyada Avropa İttifaqı (Aİ) ölkələri arasında yanacaq və sürtkü materiallarının qiymətində ən yüksək illik artım qeydə alınıb. 2026-cı ilin iyulunda onların qiyməti ötən ilin müvafiq ayı ilə müqayisədə 24,2% artıb.

Presedenttv.com oxu.az-a istinadən xəbər verir ki, ümumilikdə Aİ üzrə şəxsi avtomobil nəqliyyatı üçün yanacaq və sürtkü materiallarının qiyməti il ərzində 16,9% artıb. Qiymət artımı birliyin 27 ölkəsindən 25-də qeydə alınıb.

Rumıniyadan sonra ən əhəmiyyətli bahalaşma Almaniya və Litvada - 22,9%, Bolqarıstanda - 22,2%, Niderlandda - 22%, Finlandiyada isə 20,5% olub. Minimal artım İsveçdə (+1,2%) və İrlandiyada (+3,2%) müşahidə edilib. Macarıstanda isə əksinə, qiymətlər 0,1% azalıb.

Aylıq ifadədə iyul ayında Aİ-də dizel yanacağı 4,3%, benzin isə 4,7% bahalaşıb. İyunla müqayisədə dizelin qiymətində ən böyük artım Polşada (+13,4%), Almaniyada (+12,7%) və Yunanıstanda (+12,1%) qeydə alınıb.

Benzin ən çox Polşada - 17,2%, Almaniyada - 11% və İspaniyada - 7,1% bahalaşıb. Eyni zamanda, benzinin qiymətində ən nəzərəçarpacaq azalma İsveçdə (-11,1%), Kiprdə (-5,4%) və İrlandiyada (-4,1%) qeydə alınıb.

"Comex" birjasında dekabr ayında tədarükü nəzərdə tutulan qızıl fyuçerslərinin qiyməti mayın 29-dan bəri ilk dəfə olaraq troya unsiyası üçün 4 600 dolları ötüb.

Bu barədə ticarət platformasının məlumatlarında qeyd olunub.

Bakı vaxtı ilə saat 05:35-ə olan məlumata görə, qızılın qiyməti 1,21 faiz artaraq troya unsiyası üçün 4 600,3 dollara çatıb.

Bakı vaxtı ilə saat 05:45-də fyuçerslərin bahalaşması zəifləyib və qiymət troya unsiyası üçün 4 583,5 dollar təşkil edib (0,84 faiz artım).

Eyni vaxtda cari ilin sentyabr ayında tədarükü nəzərdə tutulan gümüş fyuçerslərinin qiyməti 0,57% artaraq troya unsiyası üçün 68,49 dollara yüksəlib.

Nyu-Yorkun COMEX əmtəə birjasında qızılın bir troya unsiyasının qiyməti 7,4 dollar azalaraq 4 537,9 dollar təşkil edib.

Presedenttv.com xəbər verir ki, gümüş isə 1,1 dollar artaraq 67,67 dollara bərabər olub.

Bu ilin yanvar-iyul aylarında Naxçıvan Muxtar Respublikasının İqtisadiyyat Nazirliyi tərəfindən "ASAN Xidmət" mərkəzi vasitəsilə sahibkarlara əczaçılıq, baytarlıq, tikinti və digər fəaliyyət növləri üzrə ümumilikdə 28 lisenziya verilib.

Presedenttv.com xəbər verir ki, verilmiş lisenziyaların sayı ötən ilin müvafiq dövrünə nisbətən 7,7 faiz artıb.

Cari ilin 7 ayı ərzində Naxçıvan Muxtar Respublikasının müvafiq qurumlarının verdiyi 4061 icazə reyestrdə qeydiyyata alınıb, verilmiş icazələr əsasında dövlət büdcəsinə 94,1 min manat vəsait daxil olub.