Azərbaycanda bəzi universitetlərdə təhsil haqlarının artırılması xüsusilə yeni qəbul olan tələbələr və onların valideynləri arasında narazılığa səbəb olub. Artan təhsil haqları fonunda sosial həssas qruplara hansı güzəştlərin tətbiq oluna biləcəyi də gündəmə gəlir.
Bəs təhsil haqqının ödənilməsində kimlərə güzəşt edilə bilər?

Presedenttv.com xəbər verir ki, Globalinfo.az-a danışan Təhsil İşçilərinin Həmrəyliyi Alyansının sədri Əmrah Həsənlinin fikrincə, burada əsas məsələ yalnız təhsil haqqının artırılması deyil, artımın əsaslandırılması və tələbəyə təqdim olunan təhsilin həmin məbləğə adekvat olub-olmamasıdır:

“Universitet təhsil haqqını artırırsa, tələbə də haqlı olaraq soruşur ki, bu artımın qarşılığında təhsilin keyfiyyətində, müəllim heyətində, laboratoriyalarda, resurs və imkanlarda, təcrübə proqramlarında, karyera dəstəyində nə dəyişəcək? Güzəşt məsələsində isə sosial həssas qruplara xüsusi yanaşma vacibdir. Hazırda qanunvericiliyimizdə şəhid ailəsi üzvləri, valideynlərini itirmiş və valideyn himayəsindən məhrum olmuş şəxslər, müəyyən əlillik kateqoriyalarına aid şəxslər, müharibə veteranları və digər sosial qruplar üçün təhsil haqqından azadolmalar nəzərdə tutulur”.

Əmrah Həsənli deyib ki, maddi çətinlik yaşayan tələbələr üçün təhsil təqaüdü mexanizmi də mühüm alternativdir:

“Amma universitetlərin daxili imkanları hesabına akademik göstəricilərə, sosial vəziyyətə, ailənin maddi durumuna görə əlavə endirimlər tətbiq etməsi də təşviq olunmalıdır. Məsələn, yüksək nəticə göstərən tələbəyə təqaüd, aztəminatlı ailədən olan tələbəyə sosial güzəşt, qardaş və bacılar eyni universitetdə təhsil alırsa, ailə güzəşti və ya təhsil haqqının hissə-hissə ödənilməsi kimi mexanizmlər tətbiq edilə bilər”.

Təhsil haqqının təhsil səviyyəsinə uyğunluğu məsələsinə gəldikdə isə, ekspert bildirib ki, bütün universitetlər haqqında eyni fikir söyləmək olmaz:

“Eyni məbləğdə təhsil haqqı ödəyən tələbələr eyni keyfiyyətdə təhsil almırsa, burada ciddi bir problem yaranır. Universitetlər təhsil haqqının formalaşmasına təsir edən amilləri daha şəffaf izah etməlidirlər. Tələbə bilməlidir ki, ödədiyi məbləğ hansı xidmətlərə, hansı akademik resurslara və hansı imkanlara yönəlir. Hesab edirəm ki, növbəti mərhələdə universitetlər üçün əsas meyar sadəcə “təhsil haqqını nə qədər artırmaq olar?” sualı yox, “artırılan təhsil haqqının qarşılığında biz tələbəyə hansı əlavə dəyəri təqdim edirik?” sualı olmalıdır. Təhsil haqqı artırılırsa, bunun tələbə üçün real və ölçülə bilən keyfiyyət artımı ilə müşayiət olunması da olduqca vacibdir”.

Azərbaycanda bəzi universitetlərdə təhsil haqlarının artırılması xüsusilə yeni qəbul olan tələbələr və onların valideynləri arasında narazılığa səbəb olub. Artan təhsil haqları fonunda sosial həssas qruplara hansı güzəştlərin tətbiq oluna biləcəyi də gündəmə gəlir.
Bəs təhsil haqqının ödənilməsində kimlərə güzəşt edilə bilər?

Presedenttv.com xəbər verir ki, Globalinfo.az-a danışan Təhsil İşçilərinin Həmrəyliyi Alyansının sədri Əmrah Həsənlinin fikrincə, burada əsas məsələ yalnız təhsil haqqının artırılması deyil, artımın əsaslandırılması və tələbəyə təqdim olunan təhsilin həmin məbləğə adekvat olub-olmamasıdır:

“Universitet təhsil haqqını artırırsa, tələbə də haqlı olaraq soruşur ki, bu artımın qarşılığında təhsilin keyfiyyətində, müəllim heyətində, laboratoriyalarda, resurs və imkanlarda, təcrübə proqramlarında, karyera dəstəyində nə dəyişəcək? Güzəşt məsələsində isə sosial həssas qruplara xüsusi yanaşma vacibdir. Hazırda qanunvericiliyimizdə şəhid ailəsi üzvləri, valideynlərini itirmiş və valideyn himayəsindən məhrum olmuş şəxslər, müəyyən əlillik kateqoriyalarına aid şəxslər, müharibə veteranları və digər sosial qruplar üçün təhsil haqqından azadolmalar nəzərdə tutulur”.

Əmrah Həsənli deyib ki, maddi çətinlik yaşayan tələbələr üçün təhsil təqaüdü mexanizmi də mühüm alternativdir:

“Amma universitetlərin daxili imkanları hesabına akademik göstəricilərə, sosial vəziyyətə, ailənin maddi durumuna görə əlavə endirimlər tətbiq etməsi də təşviq olunmalıdır. Məsələn, yüksək nəticə göstərən tələbəyə təqaüd, aztəminatlı ailədən olan tələbəyə sosial güzəşt, qardaş və bacılar eyni universitetdə təhsil alırsa, ailə güzəşti və ya təhsil haqqının hissə-hissə ödənilməsi kimi mexanizmlər tətbiq edilə bilər”.

Təhsil haqqının təhsil səviyyəsinə uyğunluğu məsələsinə gəldikdə isə, ekspert bildirib ki, bütün universitetlər haqqında eyni fikir söyləmək olmaz:

“Eyni məbləğdə təhsil haqqı ödəyən tələbələr eyni keyfiyyətdə təhsil almırsa, burada ciddi bir problem yaranır. Universitetlər təhsil haqqının formalaşmasına təsir edən amilləri daha şəffaf izah etməlidirlər. Tələbə bilməlidir ki, ödədiyi məbləğ hansı xidmətlərə, hansı akademik resurslara və hansı imkanlara yönəlir. Hesab edirəm ki, növbəti mərhələdə universitetlər üçün əsas meyar sadəcə “təhsil haqqını nə qədər artırmaq olar?” sualı yox, “artırılan təhsil haqqının qarşılığında biz tələbəyə hansı əlavə dəyəri təqdim edirik?” sualı olmalıdır. Təhsil haqqı artırılırsa, bunun tələbə üçün real və ölçülə bilən keyfiyyət artımı ilə müşayiət olunması da olduqca vacibdir”.

Beynəlxalq Nüvə Sınaqlarına Qarşı Mübarizə Günü BMT Baş Assambleyasının 2009-cu ilin dekabrında keçirilən 64-cü sessiyasında qəbul edilmiş 64/35 saylı qətnamə ilə təsis olunub.

Presedenttv.com AZƏRTAC-a istinadla xəbər verir ki, hər il avqustun 29-da qeyd olunan bu gün nüvə sınaqlarının dayandırılması istiqamətində BMT-nin, ayrı-ayrı dövlətlərin, hökumətlərarası və qeyri-hökumət təşkilatlarının səylərinin gücləndirilməsinə xidmət edir. Bu, təhlükəsiz dünyanın yaradılması üçün zəruri şərtdir.

Baş Assambleyanın müvafiq qətnaməsinin preambulasında “insanların həyatı və sağlamlığı üçün dağıdıcı və zərərli nəticələrin qarşısını almaq məqsədilə nüvə sınaqlarına son qoyulmasının” vacibliyi vurğulanır.

Bu qətnamənin qəbul edilməsi təşəbbüsü ilə Qazaxıstan Respublikası çıxış edib. Qazaxıstan bu gün üçün 1991-ci ildə məhz avqustun 29-da Semipalatinsk nüvə poliqonunun bağlanmasını qeyd etmək məqsədilə həmin tarixi təklif edib.

İndiyə qədər dünyada iki mindən çox nüvə sınağı keçirilib. Təcrübə və tarix nüvə silahlarının sınaqlarının, xüsusilə də nəzarətdən çıxdığı hallarda, bəşəriyyət üçün nə qədər dəhşətli və faciəvi nəticələr doğurduğunu göstərib. Müasir nüvə silahları isə daha güclü və dağıdıcıdır.

Nüvə silahlarının sınaqlarının dayandırılmasının əsas vasitəsi Nüvə Sınaqlarının Hərtərəfli Qadağan Edilməsi haqqında Müqavilədir (NSHQM). Müqavilə 1996-cı il sentyabrın 10-da BMT Baş Assambleyası tərəfindən qəbul edilib. Bu sənəd ilk dəfə nüvə sınaqlarının üç mühitdə keçirilməsinə mühüm məhdudiyyətlər qoyub və onların gələcəkdə tam qadağan edilməsi istiqamətində beynəlxalq səylər üçün möhkəm zəmin yaradıb.

Hazırda 187 ölkə müqaviləni imzalayıb, 178 ölkə isə onu ratifikasiya edib. Müqavilənin qüvvəyə minməsi üçün əhəmiyyətli nüvə potensialına malik dövlətlər tərəfindən ratifikasiya olunması tələb edilir. NSHQM qüvvəyə minməsə də, demək olar ki, bütün nüvə dövlətləri nüvə sınaqlarının keçirilməsinə könüllü birtərəfli moratorium tətbiq edib. 2010-cu ilin mayında iştirakçı dövlətlər nüvə silahından azad dünyada təhlükəsizliyə nail olmaq istiqamətində əməkdaşlıq etməyə səy göstərmək barədə öhdəlik götürüb və nüvə sınaqlarının qadağan edilməsinin “həyati əhəmiyyət daşıyan vəzifə” olduğunu bəyan ediblər.

Hazırda planetin Cənub yarımkürəsinin demək olar ki, bütün ərazisi regional müqavilələr əsasında nüvə silahından azad zona hesab olunur. Bunlara Sakit okeanın cənub hissəsini əhatə edən Rarotonqa müqaviləsi, Afrikanı əhatə edən Pelindaba müqaviləsi, Cənubi Asiyanı əhatə edən Banqkok müqaviləsi, həmçinin Latın Amerikası və Karib hövzəsini əhatə edən Tlatelolko müqaviləsi daxildir.

BMT-nin Baş katibi 2018-ci il mayın 24-də təqdim etdiyi “Ümumi gələcəyimizi təmin etmək” adlı yeni Silahsızlanma Gündəliyində nüvə silahlarının yayılmasının bəşəriyyət üçün ekzistensial təhlükə yaratdığını bildirib. O vurğulayıb ki, bir mexaniki səhv, elektron sistemdə nasazlıq və ya insan səhlənkarlığı fəlakətə səbəb ola və nəticədə bütöv şəhərlər yer üzündən silinə bilər.

Beynəlxalq Nüvə Sınaqlarına Qarşı Mübarizə Günündə dünyanın müxtəlif ölkələrində tədbirlər keçirilir. Bunlara simpoziumlar, konfranslar, sərgilər, müsabiqələr, nəşrlər, təhsil müəssisələrində mühazirələr, maarifləndirici verilişlər və digər tədbirlər daxildir.

Beynəlxalq Nüvə Sınaqlarına Qarşı Mübarizə Günü BMT Baş Assambleyasının 2009-cu ilin dekabrında keçirilən 64-cü sessiyasında qəbul edilmiş 64/35 saylı qətnamə ilə təsis olunub.

Presedenttv.com AZƏRTAC-a istinadla xəbər verir ki, hər il avqustun 29-da qeyd olunan bu gün nüvə sınaqlarının dayandırılması istiqamətində BMT-nin, ayrı-ayrı dövlətlərin, hökumətlərarası və qeyri-hökumət təşkilatlarının səylərinin gücləndirilməsinə xidmət edir. Bu, təhlükəsiz dünyanın yaradılması üçün zəruri şərtdir.

Baş Assambleyanın müvafiq qətnaməsinin preambulasında “insanların həyatı və sağlamlığı üçün dağıdıcı və zərərli nəticələrin qarşısını almaq məqsədilə nüvə sınaqlarına son qoyulmasının” vacibliyi vurğulanır.

Bu qətnamənin qəbul edilməsi təşəbbüsü ilə Qazaxıstan Respublikası çıxış edib. Qazaxıstan bu gün üçün 1991-ci ildə məhz avqustun 29-da Semipalatinsk nüvə poliqonunun bağlanmasını qeyd etmək məqsədilə həmin tarixi təklif edib.

İndiyə qədər dünyada iki mindən çox nüvə sınağı keçirilib. Təcrübə və tarix nüvə silahlarının sınaqlarının, xüsusilə də nəzarətdən çıxdığı hallarda, bəşəriyyət üçün nə qədər dəhşətli və faciəvi nəticələr doğurduğunu göstərib. Müasir nüvə silahları isə daha güclü və dağıdıcıdır.

Nüvə silahlarının sınaqlarının dayandırılmasının əsas vasitəsi Nüvə Sınaqlarının Hərtərəfli Qadağan Edilməsi haqqında Müqavilədir (NSHQM). Müqavilə 1996-cı il sentyabrın 10-da BMT Baş Assambleyası tərəfindən qəbul edilib. Bu sənəd ilk dəfə nüvə sınaqlarının üç mühitdə keçirilməsinə mühüm məhdudiyyətlər qoyub və onların gələcəkdə tam qadağan edilməsi istiqamətində beynəlxalq səylər üçün möhkəm zəmin yaradıb.

Hazırda 187 ölkə müqaviləni imzalayıb, 178 ölkə isə onu ratifikasiya edib. Müqavilənin qüvvəyə minməsi üçün əhəmiyyətli nüvə potensialına malik dövlətlər tərəfindən ratifikasiya olunması tələb edilir. NSHQM qüvvəyə minməsə də, demək olar ki, bütün nüvə dövlətləri nüvə sınaqlarının keçirilməsinə könüllü birtərəfli moratorium tətbiq edib. 2010-cu ilin mayında iştirakçı dövlətlər nüvə silahından azad dünyada təhlükəsizliyə nail olmaq istiqamətində əməkdaşlıq etməyə səy göstərmək barədə öhdəlik götürüb və nüvə sınaqlarının qadağan edilməsinin “həyati əhəmiyyət daşıyan vəzifə” olduğunu bəyan ediblər.

Hazırda planetin Cənub yarımkürəsinin demək olar ki, bütün ərazisi regional müqavilələr əsasında nüvə silahından azad zona hesab olunur. Bunlara Sakit okeanın cənub hissəsini əhatə edən Rarotonqa müqaviləsi, Afrikanı əhatə edən Pelindaba müqaviləsi, Cənubi Asiyanı əhatə edən Banqkok müqaviləsi, həmçinin Latın Amerikası və Karib hövzəsini əhatə edən Tlatelolko müqaviləsi daxildir.

BMT-nin Baş katibi 2018-ci il mayın 24-də təqdim etdiyi “Ümumi gələcəyimizi təmin etmək” adlı yeni Silahsızlanma Gündəliyində nüvə silahlarının yayılmasının bəşəriyyət üçün ekzistensial təhlükə yaratdığını bildirib. O vurğulayıb ki, bir mexaniki səhv, elektron sistemdə nasazlıq və ya insan səhlənkarlığı fəlakətə səbəb ola və nəticədə bütöv şəhərlər yer üzündən silinə bilər.

Beynəlxalq Nüvə Sınaqlarına Qarşı Mübarizə Günündə dünyanın müxtəlif ölkələrində tədbirlər keçirilir. Bunlara simpoziumlar, konfranslar, sərgilər, müsabiqələr, nəşrlər, təhsil müəssisələrində mühazirələr, maarifləndirici verilişlər və digər tədbirlər daxildir.

Milli Məclisin keçmiş deputatı Jalə Əhmədova ikinci dəfə tələbə adını qazanıb.

Presedenttv.com AzEdu.az-a istinadla xəbər verir ki, J.Əhmədova bu barədə sosial şəbəkə hesabında paylaşım edib.

O, Bakı Dövlət Universitetində (BDU) psixologiya ixtisası üzrə əlavə təhsil almağa başladığını yazıb.

"Daha bir başlanğıc", - deyə o paylaşımında deyib.

J.Əhmədova 1981-ci il aprelin 23-də Bakı şəhərində anadan olub. Azərbaycan Beynəlxalq Universitetinin Hüquq fakültəsini və Bakı Dövlət Universitetinin Beynəlxalq hüquq fakültəsini bitirib. «Wing Chun» Döyüş Sənəti Federasiyasının təsisçisi və birinci vitse-prezidenti olub. Hazırda Azərbaycan Autizm Assosiasiyasının vitse-prezidentidir.

2007-ci ildən «Alyans Hüquq Konsaltinq» MMC-də hüquq məsləhətçisi, 2008-ci ildən «Texnikabank» ASC-də mütəxəssis, baş mütəxəssis, şöbə müdirinin müavini işləyib. 2010–2014-cü illərdə Bakı Apellyasiya Məhkəməsində mütəxəssis-inspektor, aparıcı məsləhətçi, məhkəmə iclas katibi, sədrin köməkçisi-aparıcı məsləhətçi, 2014–2016-cı illərdə Azərbaycan Respublikasının Energetika Nazirliyində şöbə müdirinin müavini olub. 2016–2020-ci illərdə Azərbaycan Respublikası Xüsusi Dövlət Mühafizə Xidmətinin Milli Qvardiyasının Kadrlar şöbəsində zabit, baş zabit-hüquqşünas vəzifələrində çalışıb.

J.Əhmədova Milli Məclisin VI çağırış deputatı olub.

Evlidir, 2 övladı var.

Milli Məclisin keçmiş deputatı Jalə Əhmədova ikinci dəfə tələbə adını qazanıb.

Presedenttv.com AzEdu.az-a istinadla xəbər verir ki, J.Əhmədova bu barədə sosial şəbəkə hesabında paylaşım edib.

O, Bakı Dövlət Universitetində (BDU) psixologiya ixtisası üzrə əlavə təhsil almağa başladığını yazıb.

"Daha bir başlanğıc", - deyə o paylaşımında deyib.

J.Əhmədova 1981-ci il aprelin 23-də Bakı şəhərində anadan olub. Azərbaycan Beynəlxalq Universitetinin Hüquq fakültəsini və Bakı Dövlət Universitetinin Beynəlxalq hüquq fakültəsini bitirib. «Wing Chun» Döyüş Sənəti Federasiyasının təsisçisi və birinci vitse-prezidenti olub. Hazırda Azərbaycan Autizm Assosiasiyasının vitse-prezidentidir.

2007-ci ildən «Alyans Hüquq Konsaltinq» MMC-də hüquq məsləhətçisi, 2008-ci ildən «Texnikabank» ASC-də mütəxəssis, baş mütəxəssis, şöbə müdirinin müavini işləyib. 2010–2014-cü illərdə Bakı Apellyasiya Məhkəməsində mütəxəssis-inspektor, aparıcı məsləhətçi, məhkəmə iclas katibi, sədrin köməkçisi-aparıcı məsləhətçi, 2014–2016-cı illərdə Azərbaycan Respublikasının Energetika Nazirliyində şöbə müdirinin müavini olub. 2016–2020-ci illərdə Azərbaycan Respublikası Xüsusi Dövlət Mühafizə Xidmətinin Milli Qvardiyasının Kadrlar şöbəsində zabit, baş zabit-hüquqşünas vəzifələrində çalışıb.

J.Əhmədova Milli Məclisin VI çağırış deputatı olub.

Evlidir, 2 övladı var.

2025-ci ildə Qusarın Cibir kəndində 264 yerlik yeni tam orta məktəb binası istifadəyə verilib. Hazırda Kuzunqışlaq kəndində yeni məktəb binasının tikintisi davam etdirilir. Növbəti illərdə Yasab, Həzrə, İmamqulukənd və Qaratoba kəndlərində yeni məktəb binalarının inşası nəzərdə tutulur.

Presedenttv.com AZƏRTAC-a istinadla xəbər verir ki, bu barədə Quba-Xaçmaz Regional Təhsil İdarəsinin tabeliyində fəaliyyət göstərən təhsil işçilərinin 2026–2027-ci tədris ili üzrə sentyabr konfransında məlumat verilib.

Konfransdan əvvəl Ümummilli Lider Heydər Əliyevin abidəsi ziyarət edilərək, xatirəsi ehtiramla yad olunub.

Qusar Rayon İcra Hakimiyyəti başçısının müavini Ceyhun Hacıyev təhsil sahəsində həyata keçirilən islahatlardan, rayon məktəblilərinin buraxılış və qəbul imtahanlarında, fənn olimpiadalarında, müxtəlif müsabiqə və intellektual yarışlarda qazandıqları uğurlardan danışıb.

Bildirilib ki, qəbul imtahanlarında rayonun 12 məzunu 600, 38 məzunu isə 500 baldan yuxarı nəticə əldə edib. Yuxarı Zeyxur kənd tam orta ümumtəhsil məktəbinin məzunu Emiliya Qayıbova buraxılış imtahanında ölkə üzrə maksimum nəticə göstərən 9 şagirddən biri olub.

Qusar rayonu üzrə Təhsil sektorunun müdiri Naira Klıçova bildirib ki, 2025–2026-cı tədris ilində tam orta təhsil səviyyəsi üzrə 976 şagirddən 973-ü buraxılış imtahanlarında iştirak edib. Rayon üzrə orta göstərici 108,42 bal təşkil edib.

Respublika fənn olimpiadalarında 1283 şagird iştirak edib. Onlardan 31-i yarımfinal, 5-i isə final mərhələsinə yüksəlib. Kərim Kərimov adına Hil kənd 1 nömrəli tam orta ümumtəhsil məktəbinin şagirdi Qəhrəman Məlikov coğrafiya fənni üzrə I yerə, Yuxarı Zeyxur kənd tam orta ümumtəhsil məktəbinin şagirdi Emiliya Qayıbova isə riyaziyyat fənni üzrə II yerə layiq görülüb. Şəhər 2 nömrəli tam orta ümumtəhsil məktəbinin VI sinif şagirdi Abdullah İsabalayev Kenquru Beynəlxalq Riyaziyyat Müsabiqəsində medal qazanıb. Bəhruz Ağaverdiyev adına 1 nömrəli tam orta ümumtəhsil məktəbinin şagirdi Elmir Ağamirzəyev Ümummilli Lider Heydər Əliyevin 100 illiyinə həsr olunmuş “Ən yaxşı təqdimat” müsabiqəsinin qalibi olub.

Çıxışlarda təhsilin keyfiyyətinin yüksəldilməsi, şagird nailiyyətlərinin artırılması, müəllimlərin peşəkar inkişafının dəstəklənməsi və məktəblərdə səmərəli idarəetmənin təmin edilməsi ilə bağlı əsas vəzifələr vurğulanıb.

Sonda müəyyən edilmiş hədəflərin həyata keçirilməsi və təhsil göstəricilərinin daha da yaxşılaşdırılması istiqamətində məqsədyönlü fəaliyyətin davam etdirilməsinin vacibliyi qeyd olunub.

Konfransa panel müzakirələrlə yekun vurulub

2025-ci ildə Qusarın Cibir kəndində 264 yerlik yeni tam orta məktəb binası istifadəyə verilib. Hazırda Kuzunqışlaq kəndində yeni məktəb binasının tikintisi davam etdirilir. Növbəti illərdə Yasab, Həzrə, İmamqulukənd və Qaratoba kəndlərində yeni məktəb binalarının inşası nəzərdə tutulur.

Presedenttv.com AZƏRTAC-a istinadla xəbər verir ki, bu barədə Quba-Xaçmaz Regional Təhsil İdarəsinin tabeliyində fəaliyyət göstərən təhsil işçilərinin 2026–2027-ci tədris ili üzrə sentyabr konfransında məlumat verilib.

Konfransdan əvvəl Ümummilli Lider Heydər Əliyevin abidəsi ziyarət edilərək, xatirəsi ehtiramla yad olunub.

Qusar Rayon İcra Hakimiyyəti başçısının müavini Ceyhun Hacıyev təhsil sahəsində həyata keçirilən islahatlardan, rayon məktəblilərinin buraxılış və qəbul imtahanlarında, fənn olimpiadalarında, müxtəlif müsabiqə və intellektual yarışlarda qazandıqları uğurlardan danışıb.

Bildirilib ki, qəbul imtahanlarında rayonun 12 məzunu 600, 38 məzunu isə 500 baldan yuxarı nəticə əldə edib. Yuxarı Zeyxur kənd tam orta ümumtəhsil məktəbinin məzunu Emiliya Qayıbova buraxılış imtahanında ölkə üzrə maksimum nəticə göstərən 9 şagirddən biri olub.

Qusar rayonu üzrə Təhsil sektorunun müdiri Naira Klıçova bildirib ki, 2025–2026-cı tədris ilində tam orta təhsil səviyyəsi üzrə 976 şagirddən 973-ü buraxılış imtahanlarında iştirak edib. Rayon üzrə orta göstərici 108,42 bal təşkil edib.

Respublika fənn olimpiadalarında 1283 şagird iştirak edib. Onlardan 31-i yarımfinal, 5-i isə final mərhələsinə yüksəlib. Kərim Kərimov adına Hil kənd 1 nömrəli tam orta ümumtəhsil məktəbinin şagirdi Qəhrəman Məlikov coğrafiya fənni üzrə I yerə, Yuxarı Zeyxur kənd tam orta ümumtəhsil məktəbinin şagirdi Emiliya Qayıbova isə riyaziyyat fənni üzrə II yerə layiq görülüb. Şəhər 2 nömrəli tam orta ümumtəhsil məktəbinin VI sinif şagirdi Abdullah İsabalayev Kenquru Beynəlxalq Riyaziyyat Müsabiqəsində medal qazanıb. Bəhruz Ağaverdiyev adına 1 nömrəli tam orta ümumtəhsil məktəbinin şagirdi Elmir Ağamirzəyev Ümummilli Lider Heydər Əliyevin 100 illiyinə həsr olunmuş “Ən yaxşı təqdimat” müsabiqəsinin qalibi olub.

Çıxışlarda təhsilin keyfiyyətinin yüksəldilməsi, şagird nailiyyətlərinin artırılması, müəllimlərin peşəkar inkişafının dəstəklənməsi və məktəblərdə səmərəli idarəetmənin təmin edilməsi ilə bağlı əsas vəzifələr vurğulanıb.

Sonda müəyyən edilmiş hədəflərin həyata keçirilməsi və təhsil göstəricilərinin daha da yaxşılaşdırılması istiqamətində məqsədyönlü fəaliyyətin davam etdirilməsinin vacibliyi qeyd olunub.

Konfransa panel müzakirələrlə yekun vurulub

Presedenttv.com AZƏRTAC-a istinadla xəbər verir ki, “YAŞAT” Fondunun və “PAŞA Holding”in birgə təşkilatçılığı, AZAL-ın dəstəyi ilə altıncı dəfə “Məktəbli ləvazimatları” layihəsi reallaşdırılır.

Belə ki, yeni tədris ilinin başlanması ilə əlaqədar I-XI siniflərdə təhsil alan şəhid övladlarına illik dərs ləvazimatlarından ibarət hədiyyə qutuları çatdırılır.

Respublikanın bütün ərazisi üzrə 950-dən çox şəhidin 1600-dək övladı üçün qutu hazırlanıb və aidiyyəti üzrə çatdırılacaq. Ümumilikdə məktəblilərin 850 nəfərə qədəri oğlan, 740 nəfərə qədəri isə qızdır.

Layihə hazırda davam edir və hədiyyə qutularının şəhid övladlarına çatdırılması mərhələli şəkildə həyata keçirilir.

Presedenttv.com AZƏRTAC-a istinadla xəbər verir ki, “YAŞAT” Fondunun və “PAŞA Holding”in birgə təşkilatçılığı, AZAL-ın dəstəyi ilə altıncı dəfə “Məktəbli ləvazimatları” layihəsi reallaşdırılır.

Belə ki, yeni tədris ilinin başlanması ilə əlaqədar I-XI siniflərdə təhsil alan şəhid övladlarına illik dərs ləvazimatlarından ibarət hədiyyə qutuları çatdırılır.

Respublikanın bütün ərazisi üzrə 950-dən çox şəhidin 1600-dək övladı üçün qutu hazırlanıb və aidiyyəti üzrə çatdırılacaq. Ümumilikdə məktəblilərin 850 nəfərə qədəri oğlan, 740 nəfərə qədəri isə qızdır.

Layihə hazırda davam edir və hədiyyə qutularının şəhid övladlarına çatdırılması mərhələli şəkildə həyata keçirilir.

Məktəbəqədər və Ümumi Təhsil üzrə Dövlət Agentliyi yeni təmayül tədris modeli tətbiq edilən məktəblərin məzunlarının ali təhsil müəssisələrinə qəbul nəticələrini açıqlayıb.

Presedenttv.com xəbər verir ki, Agentlikdən AZƏRTAC- a bildirilib ki, nəticələr hər bir məktəb üzrə təqdim olunub.

Qeyd edilib ki, yeni təmayül tədris modeli 2024–2025-ci tədris ilindən etibarən pilot qaydada tətbiq edilir. Məzunların ali təhsil müəssisələrinə qəbul göstəriciləri təmayül tədrisinin səmərəliliyini əks etdirən əsas meyarlardan biridir.

X-XI sinifləri əhatə edən yeni təmayül tədris modelinin əsas məqsədi şagirdlərin ali təhsilə hazırlıq prosesini məktəb daxilində daha səmərəli təşkil etməkdir. Model çərçivəsində şagirdlərin əlavə hazırlığa ehtiyac duymadan, məktəbdə təşkil olunan gücləndirilmiş tədris prosesi vasitəsilə ali məktəblərə qəbul üçün zəruri bilik və bacarıqlara yiyələnməsi, eyni zamanda izafi əqli yüklənməsinin qarşısının alınması nəzərdə tutulur.

Yeni model üzrə təmayül tədrisinə X və XI sinif şagirdləri cəlb oluna bilərlər.

Modelin əsas üstünlükləri sırasında akademik nəticələrin yüksəldilməsinə yönəlmiş tədris mühiti, abituriyent hazırlığının sistemli və ödənişsiz təşkili, səriştəli müəllim kollektivi, aylıq sınaq imtahanlarının keçirilməsi, həmçinin şagirdlərin yaradıcılıq, liderlik və sosial bacarıqlarının inkişafına imkan yaradan dərnəklərin təşkili yer alır.

Məktəbəqədər və Ümumi Təhsil üzrə Dövlət Agentliyi yeni təmayül tədris modeli tətbiq edilən məktəblərin məzunlarının ali təhsil müəssisələrinə qəbul nəticələrini açıqlayıb.

Presedenttv.com xəbər verir ki, Agentlikdən AZƏRTAC- a bildirilib ki, nəticələr hər bir məktəb üzrə təqdim olunub.

Qeyd edilib ki, yeni təmayül tədris modeli 2024–2025-ci tədris ilindən etibarən pilot qaydada tətbiq edilir. Məzunların ali təhsil müəssisələrinə qəbul göstəriciləri təmayül tədrisinin səmərəliliyini əks etdirən əsas meyarlardan biridir.

X-XI sinifləri əhatə edən yeni təmayül tədris modelinin əsas məqsədi şagirdlərin ali təhsilə hazırlıq prosesini məktəb daxilində daha səmərəli təşkil etməkdir. Model çərçivəsində şagirdlərin əlavə hazırlığa ehtiyac duymadan, məktəbdə təşkil olunan gücləndirilmiş tədris prosesi vasitəsilə ali məktəblərə qəbul üçün zəruri bilik və bacarıqlara yiyələnməsi, eyni zamanda izafi əqli yüklənməsinin qarşısının alınması nəzərdə tutulur.

Yeni model üzrə təmayül tədrisinə X və XI sinif şagirdləri cəlb oluna bilərlər.

Modelin əsas üstünlükləri sırasında akademik nəticələrin yüksəldilməsinə yönəlmiş tədris mühiti, abituriyent hazırlığının sistemli və ödənişsiz təşkili, səriştəli müəllim kollektivi, aylıq sınaq imtahanlarının keçirilməsi, həmçinin şagirdlərin yaradıcılıq, liderlik və sosial bacarıqlarının inkişafına imkan yaradan dərnəklərin təşkili yer alır.

Azərbaycanın Əməkdar artisti, tanınmış aktyor Cabir İmanovun məzarüstü abidəsi hazırlanıb.

Presedenttv.com Demokrat.az-a istinadla xəbər verir ki, 2025-ci ilin sentyabrında vəfat edən aktyorun məzarüstü abidəsi artıq hazır vəziyyətə gətirilib.

Cabir İmanov 22 iyun 1976-cı ildə Bakıda anadan olub. O, uzun illər "Planet Parni iz Baku" KVN Teatrında fəaliyyəti ilə tanınıb, yaratdığı obrazlarla Azərbaycan tamaşaçısının rəğbətini qazanıb.

Aktyor eyni zamanda müxtəlif televiziya və səhnə layihələrində iştirak edib. 2015-ci ildə "Əməkdar artist" fəxri adına layiq görülüb, 2021-ci ildə isə "Tərəqqi" medalı ilə təltif olunub.

Cabir İmanov 29 sentyabr 2025-ci ildə 49 yaşında vəfat edib. Onun qəfil ölümü sənət ictimaiyyətində böyük kədər yaradıb.

Aktyor Yasamal rayonunda yerləşən "Qurd qapısı" qəbiristanlığında dəfn olunub.

Hazırlanan məzarüstü abidə Cabir İmanovun xatirəsinin əbədiləşdirilməsi məqsədi daşıyır.

Azərbaycanın Əməkdar artisti, tanınmış aktyor Cabir İmanovun məzarüstü abidəsi hazırlanıb.

Presedenttv.com Demokrat.az-a istinadla xəbər verir ki, 2025-ci ilin sentyabrında vəfat edən aktyorun məzarüstü abidəsi artıq hazır vəziyyətə gətirilib.

Cabir İmanov 22 iyun 1976-cı ildə Bakıda anadan olub. O, uzun illər "Planet Parni iz Baku" KVN Teatrında fəaliyyəti ilə tanınıb, yaratdığı obrazlarla Azərbaycan tamaşaçısının rəğbətini qazanıb.

Aktyor eyni zamanda müxtəlif televiziya və səhnə layihələrində iştirak edib. 2015-ci ildə "Əməkdar artist" fəxri adına layiq görülüb, 2021-ci ildə isə "Tərəqqi" medalı ilə təltif olunub.

Cabir İmanov 29 sentyabr 2025-ci ildə 49 yaşında vəfat edib. Onun qəfil ölümü sənət ictimaiyyətində böyük kədər yaradıb.

Aktyor Yasamal rayonunda yerləşən "Qurd qapısı" qəbiristanlığında dəfn olunub.

Hazırlanan məzarüstü abidə Cabir İmanovun xatirəsinin əbədiləşdirilməsi məqsədi daşıyır.

Bu gün Birinci vitse-prezident, Heydər Əliyev Fondunun prezidenti Mehriban Əliyeva, qızları Leyla Əliyeva və Arzu Əliyeva Bakının Nəsimi rayonunda 352 saylı körpələr evi-uşaq bağçasının açılışında iştirak ediblər.

Presedenttv.com axşam.az-a istinadla xəbər verir ki, Heydər Əliyev Fondunun icraçı direktoru Anar Ələkbərov körpələr evi-uşaq bağçasında görülən işlər barədə məlumat verdi.

Bildirildi ki, 116 yerlik uşaq bağçası kimi istifadəyə verilən müəssisə 1972-ci ildən eşitmə qabiliyyəti pozulmuş uşaqların respublika ixtisaslaşdırılmış körpələr evi-uşaq bağçası kimi fəaliyyət göstərib. Hazırda isə 352 saylı körpələr evi-uşaq bağçası kimi fəaliyyətini davam etdirir.

Heydər Əliyev Fondunun dəstəyi ilə binada əsaslı təmir işləri aparılıb və yeni korpus inşa olunub.

Yeni körpələr evi-uşaq bağçasında eşitmə qabiliyyəti pozulmuş uşaqlar üçün xüsusi qrup saxlanılmaqla, uşaqların məktəbəqədər təhsil və tərbiyə almalarına hər cür şərait yaradılıb. Eşitmə qabiliyyəti pozulmuş uşaqlar üçün burada 36 yerlik ikimərtəbəli əlavə korpus inşa olunub.

Körpələr evi-uşaq bağçasında surdoloq, oyun və yataq otaqları, idman, tədbir, musiqi və rəqs zalları, tibb, geyinib-soyunma və müəllimlər otaqları var. Surdoloq kabinetləri, dərs, oyun otaqları zəruri avadanlıqlar və mebellərlə təmin olunub.

Uşaqlar üçün açıq havada oyun və idman meydançaları salınıb, söhbətgahlar quraşdırılıb.

Bu gün Birinci vitse-prezident, Heydər Əliyev Fondunun prezidenti Mehriban Əliyeva, qızları Leyla Əliyeva və Arzu Əliyeva Bakının Nəsimi rayonunda 352 saylı körpələr evi-uşaq bağçasının açılışında iştirak ediblər.

Presedenttv.com axşam.az-a istinadla xəbər verir ki, Heydər Əliyev Fondunun icraçı direktoru Anar Ələkbərov körpələr evi-uşaq bağçasında görülən işlər barədə məlumat verdi.

Bildirildi ki, 116 yerlik uşaq bağçası kimi istifadəyə verilən müəssisə 1972-ci ildən eşitmə qabiliyyəti pozulmuş uşaqların respublika ixtisaslaşdırılmış körpələr evi-uşaq bağçası kimi fəaliyyət göstərib. Hazırda isə 352 saylı körpələr evi-uşaq bağçası kimi fəaliyyətini davam etdirir.

Heydər Əliyev Fondunun dəstəyi ilə binada əsaslı təmir işləri aparılıb və yeni korpus inşa olunub.

Yeni körpələr evi-uşaq bağçasında eşitmə qabiliyyəti pozulmuş uşaqlar üçün xüsusi qrup saxlanılmaqla, uşaqların məktəbəqədər təhsil və tərbiyə almalarına hər cür şərait yaradılıb. Eşitmə qabiliyyəti pozulmuş uşaqlar üçün burada 36 yerlik ikimərtəbəli əlavə korpus inşa olunub.

Körpələr evi-uşaq bağçasında surdoloq, oyun və yataq otaqları, idman, tədbir, musiqi və rəqs zalları, tibb, geyinib-soyunma və müəllimlər otaqları var. Surdoloq kabinetləri, dərs, oyun otaqları zəruri avadanlıqlar və mebellərlə təmin olunub.

Uşaqlar üçün açıq havada oyun və idman meydançaları salınıb, söhbətgahlar quraşdırılıb.

Goranboyda Birinci Qarabağ müharibəsi şəhidi Qubad Bəxtiyarovun atası dünyasını dəyişib.

Presedenttv.az Unikal.az-a istinadla bildirir ki, şəhid atası Mehralı Bəxtiyarov yaşadığı Zeyvə kəndində vəfat edib.

Mərhum kənd qəbiristanlığında torpağa tapşırılıb

Goranboyda Birinci Qarabağ müharibəsi şəhidi Qubad Bəxtiyarovun atası dünyasını dəyişib.

Presedenttv.az Unikal.az-a istinadla bildirir ki, şəhid atası Mehralı Bəxtiyarov yaşadığı Zeyvə kəndində vəfat edib.

Mərhum kənd qəbiristanlığında torpağa tapşırılıb

Əziz gənclərimiz, hamınızı Türkiyə-Azərbaycan Universitetinin (TAU) tələbəsi olmağınız münasibətilə bütün heyətimiz adından ürəkdən təbrik edirəm. TAU ailəsinə xoş gəlmişsiniz və hamınızı gələcəyin mühəndislərini hazırlayan təhsil ocağımızda görməkdən çox məmnunuq.

Presedenttv.az Axar.az-a istinadən xəbər verir ki, bunu Türkiyə-Azərbaycan Universitetinin (TAU) rektoru Nəcibə Nəsibova tələbə adını qazanmış gənclərə təbrikində deyib.

“Siz, Azərbaycanın gələcəyi olan gənclər, TAU-nu seçməklə yalnız tələbə adını qazanmadınız, eyni zamanda qarşınızda təhsil həyatınızın çox maraqlı və inkişaf dolu səhifəsini açdınız.

Universitetimiz Azərbaycanla Türkiyə arasında mövcud olan və bütün sahələrdə inkişaf edən əlaqələrinin içərisində ən dəyərli tərkib hissəsi olan təhsil əlaqələrinin ən bariz nümunəsi, qardaşlıq münasibətlərinin simvoludur.

İki qardaş ölkənin prezidentlərinin etimadı ilə qurulan və hər zaman diqqət mərkəzində olan Türkiyə-Azərbaycan Universitetinin əsas məqsədi sizin kimi savadlı, istedadlı və parlaq gələcək vəd edən gənclərimizi ölkəmiz üçün beynəlxalq standartlara cavab verən peşəkar mütəxəssis kimi yetişdirməkdir. Bu məqsədlə sizin üçün Türkiyənin nüfuzlu universitetlərinin imkanlarından faydalanmaqla, beynəlxalq təhsil mühiti yaradılıb.

Burada siz çağdaş tələblərə uyğun formada Orta Doğu Texniki Universiteti, İstanbul Texniki Universiteti və Hacettepe Universitetinin nüfuzlu professor-müəllim heyəti tərəfindən kompüter mühəndisi, sənaye mühəndisi və qida mühəndisi kimi yetişdiriləcəksiniz.

Tədris prosesi zamanı tələbələrimiz nəzəriyyə ilə yanaşı, ən müasir laboratoriyalarda müxtəlif eksperimentlər aparmaqla, müxtəlif layihələrin və elmi-tədqiqat işlərinin hazırlanmasına cəlb olunmaqla, öz sahələrində praktiki bacarıq və vərdişlər qazanacaqlar.

Xüsusilə vurğulamaq istəyirəm ki, dövlətin prioritet seçdiyi bu ixtisaslar üzrə məzun olarkən sizi iki fərqli və beynəlxalq səviyyədə tanınan diplom gözləyir: bunlar Türkiyədən tərəfdaş universitetlərin və Azərbaycan Texniki Universitetinin diplomlarıdır. Beləliklə, siz həm dünya üzrə top universitetlərdə magistratura və doktorantura pillərində təhsil almaq fürsətlərini, həm də asanlıqla yerli və qlobal əmək bazarında prestijli iş imkanlarına çıxış əldə edəcəksiniz.

Gələcəyin mühəndisləri olacaq əziz gənclərimiz, hər birinizi bir daha təbrik edir, yeni təhsil həyatınızda bol uğurlar, yüksək nailiyyətlər və unudulmaz tələbəlik illəri arzu edirik!

Əmin olun ki, siz doğru ünvanda və peşəkar akademik mühitdəsiniz!”, - rektor bildirib.

Əziz gənclərimiz, hamınızı Türkiyə-Azərbaycan Universitetinin (TAU) tələbəsi olmağınız münasibətilə bütün heyətimiz adından ürəkdən təbrik edirəm. TAU ailəsinə xoş gəlmişsiniz və hamınızı gələcəyin mühəndislərini hazırlayan təhsil ocağımızda görməkdən çox məmnunuq.

Presedenttv.az Axar.az-a istinadən xəbər verir ki, bunu Türkiyə-Azərbaycan Universitetinin (TAU) rektoru Nəcibə Nəsibova tələbə adını qazanmış gənclərə təbrikində deyib.

“Siz, Azərbaycanın gələcəyi olan gənclər, TAU-nu seçməklə yalnız tələbə adını qazanmadınız, eyni zamanda qarşınızda təhsil həyatınızın çox maraqlı və inkişaf dolu səhifəsini açdınız.

Universitetimiz Azərbaycanla Türkiyə arasında mövcud olan və bütün sahələrdə inkişaf edən əlaqələrinin içərisində ən dəyərli tərkib hissəsi olan təhsil əlaqələrinin ən bariz nümunəsi, qardaşlıq münasibətlərinin simvoludur.

İki qardaş ölkənin prezidentlərinin etimadı ilə qurulan və hər zaman diqqət mərkəzində olan Türkiyə-Azərbaycan Universitetinin əsas məqsədi sizin kimi savadlı, istedadlı və parlaq gələcək vəd edən gənclərimizi ölkəmiz üçün beynəlxalq standartlara cavab verən peşəkar mütəxəssis kimi yetişdirməkdir. Bu məqsədlə sizin üçün Türkiyənin nüfuzlu universitetlərinin imkanlarından faydalanmaqla, beynəlxalq təhsil mühiti yaradılıb.

Burada siz çağdaş tələblərə uyğun formada Orta Doğu Texniki Universiteti, İstanbul Texniki Universiteti və Hacettepe Universitetinin nüfuzlu professor-müəllim heyəti tərəfindən kompüter mühəndisi, sənaye mühəndisi və qida mühəndisi kimi yetişdiriləcəksiniz.

Tədris prosesi zamanı tələbələrimiz nəzəriyyə ilə yanaşı, ən müasir laboratoriyalarda müxtəlif eksperimentlər aparmaqla, müxtəlif layihələrin və elmi-tədqiqat işlərinin hazırlanmasına cəlb olunmaqla, öz sahələrində praktiki bacarıq və vərdişlər qazanacaqlar.

Xüsusilə vurğulamaq istəyirəm ki, dövlətin prioritet seçdiyi bu ixtisaslar üzrə məzun olarkən sizi iki fərqli və beynəlxalq səviyyədə tanınan diplom gözləyir: bunlar Türkiyədən tərəfdaş universitetlərin və Azərbaycan Texniki Universitetinin diplomlarıdır. Beləliklə, siz həm dünya üzrə top universitetlərdə magistratura və doktorantura pillərində təhsil almaq fürsətlərini, həm də asanlıqla yerli və qlobal əmək bazarında prestijli iş imkanlarına çıxış əldə edəcəksiniz.

Gələcəyin mühəndisləri olacaq əziz gənclərimiz, hər birinizi bir daha təbrik edir, yeni təhsil həyatınızda bol uğurlar, yüksək nailiyyətlər və unudulmaz tələbəlik illəri arzu edirik!

Əmin olun ki, siz doğru ünvanda və peşəkar akademik mühitdəsiniz!”, - rektor bildirib.